مش شفرة الحجر بس لا دا شفرة الحضاره المصريه كلها.. ودا مكنش بالسهوله اللي حضرتك بتقرأ بيها البوست لا دا فك رموز الحجر سنة 1822 يعني بعد حوالي 23 سنه من الاكتشاف وبعد 16 سنه من شامبليون بس .. طب قدر يقرأه ازاي برضو ؟.
شامبليون اعتمد على أسماء الأعلام واسم الشخص مبيتغيرش من لغه للتانيه، طيب تاني حاجه شامبليون كان عنده علم شويه باللغات القديمه زي اليونانيه القديمه اللي كانت موجوده على الحجر واللغة اليونانية أساسا كانت واخده سبع حروف من اللغه المصرية القديمة لأن كان فيها قصور ودي ساعدت كتير في فك رموز الحجر.
 |
| أسرار حجر رشيد |
أسرار حجر رشيد
المهم الحجر من البازلت الاسود واتكتب سنة 196 قبل الميلاد بتلت خطوط اتكتب بالهيروغليفي ودا كان الخط الرسمي وتحته الخط الديموطيقي ودا الخط الشعبي يعني زي خط الرقعه حاليا وبالخط اليوناني بتاع الحكام .
وعرفنا أن اللي كتبه مجموعه من الكهنة كان مجتمعين في مدينة منف وكتبو الحجر كا شكر للملك بطليموس الخامس عشان كان طيب معاهم وبيعفيهم من الواجبات المفروضه عليهم وبيمنحهم اراضي وامتيازات كمان .
لحسن الحظ أن الحجر اكتشفناه واترجم وكشف أسرار الحضارة المصرية، ولولاه مكناش عرفنا نقرأ اللي علي المعابد والمقابر ومكنش هيبقا في حاجه اسمها علم الآثار، في النهاية فرنسا وانجلترا عملو اتفاقية جلاء فرنسا عن مصر وكان من شروطها أن فرنسا تخرج بدون الاثار المصريه بالأخص حجر رشيد وسلمت فرنسا الحجر لانجلترا واتحط في المتحف البريطاني سنة 1802.
إرسال تعليق